Ақпараттық хабарлама
freedom
Саясат Аналитика Қоғам Мәдениет Сұқбат Спорт Абай-175 Ұлттық спорт Экономика Malim podcast Inclusive society Әлем Құқық Денсаулық Тұлға-таным Кино Білім-ғылым Шоу-бизнес Әдебиет Оқиға Экология Хикаялар MALIMet

Олимпиада жүлдегері мен бұрынғы министр: 19 қарашада кімдер туған?

MALIMet •
Олимпиада жүлдегері мен бұрынғы министр: 19 қарашада кімдер туған?
Фото-коллаж: malim.kz\ ЖИ арқылы өңделген

19 қарашада Қазақстан атынан екі қысқы Олимпиадаға қатысқан конькиші Федор Мезенцев, жасөспірімдер Олимпиадасының жүлдегері Дарья Медведева және бұрынғы мәдениет және ақпарат министрі Ермұхамет Ертісбаев дүниеге келген, деп хабарлайды Malim.kz.

Ермұхамет Ертісбаев 70 жасқа толады

Ермұхамет Ертісбаев 1956 жылы 19 қарашада Қарағандыда дүниеге келген. Қарағанды мемлекеттік университетінің тарих факультетін бітіріп, еңбек жолын Жезқазған педагогикалық институтында бастаған. 1990–1994 жылдары Жоғарғы Кеңес депутаты болды. 2006–2008 жылдары мәдениет пен ақпарат саласына жауапты министр қызметін атқарды. Кейін Қазақстанның Грузиядағы және Беларусьтегі елшісі болды.

Федор Мезенцев коньки тебуді 10 жасында бастаған

Федор Мезенцев 1989 жылы 19 қарашада Алматыда туған. Анасы мен әпкесінің ізімен коньки спортына келген ол 2014 жылы Сочиде, 2018 жылы Пхёнчханда өткен қысқы Олимпиада ойындарында Қазақстан атынан жарысқа түсті. 2017 жылы Жапонияның Саппоро қаласында өткен қысқы Азия ойындарында командалық із қуалау жарысынан қола медаль алды. Биыл спортшы 37 жасқа толады.

Дарья Медведева 14 жасында Олимпиада жүлдесін алды

Көркем гимнастикамен айналысқан Дарья Медведева 1999 жылы 19 қарашада дүниеге келген. Солтүстік Қазақстанның спорт мектебінен шыққан гимнаст 2014 жылы Қытайдың Нанкин қаласында өткен жасөспірімдер Олимпиадасына қатысты. Қазақстан құрамасы топтық жаттығуда үшінші орын алды. Жарыстан оралған Дарьяны вокзалдан ата-анасы, достары және алғашқы жаттықтырушысы қарсы алған. Биыл ол 27 жасқа толады.

Қанат Баеділов қазынашылық комитетін басқарған

Қанат Баеділов 1967 жылы 19 қарашада Алматы облысының Кеген ауылында дүниеге келген. Экономист мамандығын меңгеріп, кейін заңгерлік білім алған. Еңбек жолында Астананың салық департаментін және Қазынашылық комитетін басқарды. 2017–2021 жылдары қаржы вице-министрі болды. 2024 жылы "Парасат" орденімен марапатталды. Биыл 59 жасқа толады.

Ұқсас мақалалар

Жылдам сілтемелер
Іздеу