Төрт елдің басшысы Киевке барды
Киевтің еуропалық одақтастарының басшылары Мәскеуді «атысты 30 күнге толық және сөзсіз тоқтатуға» шақырды
Киевте Украинаға әскери көмекті жалғастыруға ниет еткен елдердің басшыларының келіссөзі өтеді. Бұл туралы Azattyq-қа сілтеме жасап Malim.kz хабарлайды.
Украина ақпарат құралдары 10 мамырда таңертең Киевке Франция президенті Эмануэль Макрон, Ұлыбритания премьері Кир Стармер, Германия канцлері Фридрих Мерц және Польша премьері Дональд Тусктің пойызбен жеткенін хабарлады.
Украина сыртқы істер министрі Андрей Сибиганың сөзінше, “Украинаны қолдауға бағытталған маңызды шешімдер” қабылданады. Өзге жайттармен қатар атысты тоқтату шарттары мәселесі де талқыланады.
Ресей 8-10 мамыр аралығында Жеңіс күніне орай атысты үш күнге тоқтатынын мәлімдеген. Алайда Украинаның мәлімдеуінше, Ресей әскері атысты тоқтату режимін бірнеше рет бұзған.
Фото: x.com / @EmmanuelMacron
