Шымкентте ғылымның оның ішінде, медицина ғылымының қарқынды дамып жатқанының нақты айғағы соңғы бір айдың ішінде қалада алты трансплантация отасы жасалған.
Пандемияға қарамастан шаһарда ағза алмастыру отасы қарқынды дамып келеді.
Бүгін баспасөз брифингін өткізген Шымкент қаласының денсаулық сақтау басқармасының басшысы Бақытжан Позилов осындай жаңалығымен бөлісті.
– Шымкент қаласындағы №1 қалалық клиникалық ауруханасында өткізілген трансплантация хирургиялық тәжірибеде үнемі қолданылып келеді. Сондай-ақ, осы жылы шетелдік әріптестерімізбен бірге туыстық бауыр трансплантациясы бойынша 2 мастер-класс өткіздік. Соңғы жылдары елімізде трансплантология дами бастады. Өздерінің жақындарына донор болған сәтті оталар осыны дәлелдейді. Болашақта Шымкент трансплантация орталығына айналады, – деді Б.Позилов.
