2021-2022 оқу жылдары Шымкент қаласындағы мектептерде 25 мың оқушы алғашқы қоңырау соғып, оқушы атанбақ.
Ал биыл қала бойынша 9 342 оқушы соңғы қоңырау соғып, үлкен өмірге қадам бастамақ.
Қала әкімі Мұрат Әйтеновке биылғы жарт жылдыққа қатысты есеп берген білім басқармасының басшысы Жанат Тәжиева осындай деректер айтты.
«Білім беруді және ғылымды дамытудың 2020-2025 жылдарға арналған мемлекеттік бағдарламасына» қатысты есепті тыңдаған қала әкімі Шымкенттің онлайн оқытуда республикада алғашқы орыннан көрінген айтып өтті. Сондай-ақ, басқарма басшысының жұмысына оң баға берді. Дегенмен, жаңа оқу жылына пайдалануға берілетін мектептерге білікті ұстаздарды тартуды тапсырды. Ұстаздардың білімі мен біліктілігін одан әрі дамытуға күш салу керек деді.
Қалалық білім басқармасының басшысы Ж.Тажиеваның мәлімдеуінше, алдағы ҰБТ тестілеуіне дайындық 100 пайыз – әрбір тестіленуші үшін дербес компьютер мен бақылау камерасы қойылған.
Ал, 1-сыныпқа құжат қабылдау 1 сәуірден бастап, 1 тамызға дейін жалғаспақ.
