«Қазгидромет» синоптиктері алдағы үш күнде елімізде қандай ауа райы болатынын хабарлады, деп хабарлайды Malim.kz.
Ауа райы тұрақсыз күйінде қалады
Атмосфералық фронттар ел аумағынан әлі кеткен жоқ — олар алдағы үш тәулікте де Қазақстанның басым бөлігінде ауа райына әсер етуді жалғастырады.
Көптеген өңірлерде жаңбыр жауып, найзағай ойнап, екпінді жел соғады деп күтілуде. Кейбір аймақтарда бұршақ аралас қатты жауын болуы мүмкін. Ал оңтүстік облыстарда шаңды дауылдар ықтимал.
Температура қандай болады
Тұрақсыз ауа райының аясында ауа температурасы біртіндеп төмендей бастайды.
Соған қарамастан, күндізгі уақытта солтүстікте сынап бағаны +20…+30 градусқа дейін, ал оңтүстікте +25…+35 градусқа дейін көтеріледі.
Мамыр айына жалпы болжам
Еске салайық, бұған дейін Қазгидромет мамыр айына жалпы болжам жариялаған болатын.
Синоптиктердің мәліметінше, көктемнің соңғы айында еліміздің басым бөлігінде ауа температурасы нормадан 1 градусқа жоғары болады деп күтіледі.
Фото:depositphotos.com
