Қазгидромет Алматы және бірнеше қала тұрғындарына ескерту жариялады, - деп хабарлайды Malim.kz тілшісі.
"5 мамырда Жезқазған, Ақтөбе, Алматы қалаларында, сондай-ақ, Атырауда қолайсыз метеорологиялық жағдайларға байланысты ауа райы ластанады", – делінген хабарламада.
Қолайсыз метеорологиялық жағдайлар - атмосфералық ауаның беткі қабатында зиянды заттардың шоғырлануына ықпал ететін қысқа мерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.
Алматыдағы ауа райы
5 мамыр күні Алматыда ауа райы көбіне бұлтты, жауын-шашынсыз болады. Солтүстік-батыстан соққан желдің жылдамдығы 3–8 м/с. Күндізгі ауа температурасы +28...+30°C шамасында болады.
Фото: shutterstock.com
