Әр қазақстандық жылына қанша келі қоқыс тастайды?
Әлемде бір адам жылына орта есеппен 270 келі қоқыс шығарады, -
деп хабарлайды Malim.kz.
2024 жылы үй шаруашылықтарынан жиналған қоқыс көлемі 1 985 620 тонна болып, 2023 жылмен салыстырғанда 77 117 тоннаға азайған. Бұл туралы "Чёрный лебедь, рак и щука" Telegram-арнасында айтылды.
2023 жылы адам басына шаққанда орта есеппен 103,0 келі қоқыс тиесілі болса, 2024 жылы бұл көрсеткіш 97,9 келі болды. Бұл – мемлекеттік органдар есептеулерінде қолданатын Ұлттық статистика бюросының деректері.
Статистика бойынша ең көп қоқыс шығаратын өңір – Ұлытау облысы (239,6 келі). Екінші орында – астаналықтар (170,2 келі, 2023 жылы – 108,9 келі). Үшінші орында – Шымкент қаласы (164,6 келі).
Ең аз қоқыс шығаратындар – Жетісу облысының тұрғындары (жылына адам басына шаққанда 23 келі), Қызылорда облысы (26 келі) және Жамбыл облысы (34 келі).
Әлемде бір адам жылына орта есеппен – шамамен 270 келі қоқыс шығарады.
- АҚШ – 811 келі
- Австрия – 803 келі
- Германия – 609 келі
- Франция – 546 келі
- Италия – 499 келі
- Беларусь – 435 келі
- Ресей – 400 келі
- Қытай – 266 келі
- Қырғызстан – 211 келі
- Өзбекстан – 165 келі.
Фото: informburo.kz
Ең көп оқылған
