Елімізде алдағы күндері тұрақсыз ауа райы күтіледі, деп хабарлайды Malim.kz.
«Қазгидромет» РМК мамандары 1-3 мамырға арналған ауа райы болжамын ұсынды. Мамандардың мәліметінше, мамырдың басында Қазақстан аумағында барикалық құрылымдардың жиі ауысуына байланысты тұрақсыз ауа райы сақталады.
Республика бойынша найзағайлы жаңбыр, желдің күшеюі болжануда.
Солтүстік, шығыс және оңтүстік-шығыстың таулы аймақтарында түнде жаңбыр мен қар түріндегі жауын-шашын түседі.
2 мамырда оңтүстік-шығыста қатты жаңбыр жауады, таулы өңірлерде жаңбыр мен қар аралас қатты жауын-шашын күтіледі.
Солтүстік-батыс, солтүстік, орталық және оңтүстік-шығыс өңірлерде бұршақ жаууы мүмкін.
Батыс пен оңтүстікте шаңды дауыл көтеріледі.
Тек оңтүстік өңірлерде жауын-шашынсыз ауа райы болжанып отыр.
Түнгі және таңғы уақытта ел бойынша тұман түседі. Ауа температурасы айтарлықтай өзгермейді, — деп нақтылады синоптиктер.
Фото: pixabay.com
