Қатты ыстық пен найзағай: 18 мамырда ауа райы қолайсыз болады
Қазгидромет мамандары 18 мамыр күні еліміздің бірнеше өңірінде ауа райының қолайсыз болатынын ескертті, деп хабарлайды Malim.kz.
Солтүстік, орталық және оңтүстік-шығыс аймақтарда жаңбыр жауып, найзағай ойнап, бұршақ түсуі мүмкін. Сондай-ақ екпінді жел соғып, ауа температурасы төмендейді.
Ал батыс өңірлерде антициклон ықпалынан жауын-шашынсыз күн райы күтіледі.
Абай мен Шығыс Қазақстан облыстарында өте қатты ыстық сақталады. Бұл өңірлердің оңтүстік бөлігінде ауа температурасы күндіз +40 градусқа дейін жетуі ықтимал.
Жоғары және төтенше өрт қаупі бар өңірлер:
Маңғыстау (батыс),
Ақтөбе (батыс, оңтүстік-шығыс),
Қостанай (оңтүстік),
Жамбыл (солтүстік-шығыс, оңтүстік-шығыс),
Түркістан (таулы аймақтар),
Атырау (оңтүстік, батыс, солтүстік-шығыс),
Алматы (орталық),
Жетісу (солтүстік-батыс, шығыс),
Абай (батыс, солтүстік, орталық, оңтүстік).
Қауіптің төтенше деңгейі Қызылорда, Түркістан, Жамбыл және Абай облыстарының бірнеше бөлігінде тіркелуі мүмкін.
Фото: © freepik.com
Қазақстандағы жаңа ұлт: орыстілді қазақ пен қазақтың арасы алшақтап бара ма?
Ең көп оқылған
