Жаз айларында ауа райы қалай болады? Үкімет отырысында Экология және табиғи ресурстар министрі Ерлан Нысанбаев өз болжамын айтты.
Маусым айында Қазақстанның басым бөлігінде айлық орташа ауа температурасы қалыпты болады, яғни елдің солтүстігі мен орталығында 17-20 градус, ал батысында – 23-25 градус болады деп күтіледі. Оңтүстік-батыста және оңтүстікте әдеттегіден ыстығырақ болады, жазық бөлікте орташа температура 24-28 градус, ал максималды температура – 45 градусқа дейін жетеді. Елдің батысында және солтүстік-шығысында, шығысында және оңтүстігінде жауын-шашын норма шегінде, ал қалған аумақта көбінесе нормадан аз болады, − деді Экология министрі.
Жауын-шашын негізінен көпжылдық нормалар шегінде болжанады, солтүстік-батыста, солтүстікте, оңтүстікте және оңтүстік-шығыста жауын-шашын нормадан жоғары болады деп болжанған.
Тамыз, қыркүйек айлары егіннің пісуі мен оны жинау жұмыстарына қолайлы болады деп күтілуде. Мол және ұзаққа созылатын жауын-шашын күтілмейді, елдің басым бөлігінде айлық орташа ауа температурасы климаттық нормадан 1 градусқа жоғары болады, − деді Ерлан Нысанбаев.
Фото: pixabay
