Қазақстандағы 7 футбол клубын жекешелендіру ұсынылды, деп хабарлайды Malim.kz.
Бұған дейін президент Қасым-Жомарт Тоқаев футбол клубтары өздігінен табыс табуы керек екенін, тек мемлекеттік бюджетке сүйенбеуі қажет екенін мәлімдеген болатын.
Бәсекелестікті қорғау және дамыту агенттігі жекешелендіруге ұсынылатын квазимемлекеттік сектор нысандарының тізімін жасады. Бұл тізімге жеті футбол клубы, яни «Астана», «Атырау», «Ордабасы», «Тұран», КГП «Шахтер», «Каспий» және АҚ «Шахтер» кірді.
Жалпы тізімде 461 нысан бар:
Отын-энергетикалық кешені – 200;
Өнеркәсіп және индустрия – 20;
Ауыл шаруашылығы кешені – 147;
БАҚ, көлік және байланыс – 14;
Әлеуметтік сала – 76;
Қаржы нарығы – 4;
Білім беру – 8 нысан.
«Қалыптастырылған кәсіпорындар пулын Жоғары реформалар кеңесіне жібереді, содан кейін оларды Жекешелендірудің кешенді жоспарына енгізеді. Бұл жұмыстың аяқталуы 2028 жылдың соңына дейін жекешелендіру барысын бақылау болмақ», – деп мәлімдеді Бәсекелестікті қорғау және дамыту агенттігінің Төрағасы Марат Омаров.
Фото: pixabay.com
