Қазақстанда әлеуметтік маңызы бар азық-түлік бағасы төмендеді
Қабылдаған шаралардың нәтижесінде дефляцияның орташа индексі 99,8 пайыз болды.
Елімізде 8 жылда алғаш рет әлеуметтік маңызы бар азық-түлік бағасы төмендеп жатыр, деп хабарлайды Malim.kz.
2016 жылдан бастап Қазақстанда алғаш рет әлеуметтік маңызы бар азық-түлік тауарларына (ӘМАТ) баға индексі төмендеді. Қабылдаған шаралардың нәтижесінде дефляцияның орташа индексі 99,8 пайыз болды.
Бағаның маусымдық ауытқуын болдырмау үшін нарыққа 160 мың тоннадан астам көкөніс өнімі жеткізілді. Сондай-ақ, жұмыртқа өндірушілер одағымен жыл соңына дейін жұмыртқа бағасын белгілеу туралы келісімге қол қойылды, бұл нарықтағы баға демпингінің алдын алады. Отандық қайта өңдеу кәсіпорындарын шикізатпен қамтамасыз ету үшін күнбағыс тұқымын әкетуге экспорттық кедендік баж енгізілді, - делінген хабаралмада.
ӘМАТ-тың "электронды айнасына" айналатын тауарларды қадағалаудың ұлттық жүйесі пилоттық режимде жұмыс істейді. Оны 58 тауар позициясынан тұратын барлық азық-түлік себетін кеңейтуге қолдану жоспарланып отыр.
Фото: интернеттен
MalimBlocks
