Шымкент қаласының сумен жабдықталуы және кәріз өндірісінің үрдістері жаппай цифрланып жатыр. Мәселен, «Су ресурстары-Маркетинг» серіктестігінің басшысы Анарбек Орманның айтуынша осы жылы кәсіпорындарға 3,7 мың ақылды су есептегіш құралдары орнатылған. «Цифрлық Қазақстан» мемлекеттік бағдарламасы бойынша жүріп жатқан бұл бастама коммерциялық құрылымдардың 86 пайызына адамның араласуынсыз қызмет көрсетпек екен. Ал алдағы 5 жылда қаладағы барлық тұтынушыға ақылды су есептегіштері орнатылу жоспарда екен. Бүгінгі нақты жағдайға қарасақ, қаладағы 7243 заңды тұлғаның 2,5 мыңы ғана электрондық басқару функциясы бар «IC-card» ақылды су есептегішті пайдаланып отыр.
«Су ресурстары-Маркетинг» мекемесінің жұмысымен танысуға арнайы келген қала әкімі Мұрат Әйтенов су жүйесіндегі ақаулар мен жөнделуін және сервисін 100 пайыз автоматтандырса ғана сапалы қызметке қол жететінін атап өтті.
Мекеме жетекшісінің айтуынша, цифрландыру ісі басталғалы тұрғындар суды үнемдей бастаған сондай-ақ, халыққа қызмет көрсету сапасы да жақсара түскен.
MalimBlocks
