Алматы вокзалында ұйымдасқан топ Қытайдан келген тауарларды ұрлап отырған
Келтірілген залал – 200 млн теңге
Алматы вокзалында Қытайдан келген тауарларды ұрлаумен айналысқан ұйымдасқан топ ұсталды, деп хабарлайды Malim.kz.
Бас көлік прокуратурасының мәліметінше, Алматы-1 станциясындағы желілік полиция басқармасы 2023 жылдан 2024 жылға дейін Қытайдан келген тауарларды ұрлаумен айналысқан уақытша сақтау қоймасы (УСҚ) қызметкерлерінің тобына қатысты сотқа дейінгі тергеуді аяқтаған.
Күдіктілер ұрланған тауарларды жергілікті базарларда сату үшін контейнерлер ішіндегі тауарларға қол жеткізген ақпаратты пайдаланған. Келтірілген шығын 200 млн теңгеден асып, отандық және шетелдік компанияларға зардап келтірілген.
Жетісу көлік прокуратурасы істі сотқа жолдаған.
Фото: travel.livejournal.com
