Ақмола облысында құны 500 млн теңге жер мемлекетке қайтарылды
Ақмола облысында рекреациялық аймақтағы құны 500 млн теңгеден астам жер телімі мемлекетке қайтарылды, деп хабарлайды Malim.kz.
Прокурорлар жер заңнамасының бұзылуын анықтады, бұл бұзушылық жер ресурстарын басқару бөлімімен коммерциялық орман өсіру үшін жеке тұлғаға 36 гектар жер телімін заңсыз беру арқылы көрініс тапқан, аталған жер телімі халықтың демалысы мен сауықтыруына арналған рекреациялық аймаққа тиесілі болған.
Қадағалау актісі бойынша жер ресурстарын басқару департаменті сотқа жүгінді. Мамандандырылған ауданаралық экономикалық соттың шешімімен жасалған келісім жарамсыз деп танылып, кадастрлық құны 567 млн теңге тұратын жер телімі рекреациялық мақсаттағы жерлер құрамына қайтарылды.
«Қабылданған қадағалау шаралары нәтижесінде Щучинск қаласында рекреациялық аймаққа тиесілі жерлердің құқықтық режимі қалпына келтірілді.
Жер телімінің рекреациялық қорға қайтарылуы аумақтың экологиялық теңгерімін сақтауға және оның мақсатсыз пайдаланылуына жол бермеуге мүмкіндік берді», - делінген хабарламада.
Фото: gov.kz
Ең көп оқылған
