Абай облысы Бесқарағай ауданы Ерназар ауылдық округіне қарасты Қоянбай ауылында құрғақ шөп өртенді, деп хабарлайды Malim.kz.
Күшті желдің әсерінен жалын «Семей орманы» табиғи резерватының Морозов филиалындағы орман алқабына тарады.
Төтенше жағдайды жоюға Абай және Павлодар облыстарының ТЖД қызметкерлері, «Семей орманы» және «Ертіс орманы» орман шаруашылықтары, сондай-ақ жергілікті атқарушы органдар жұмылдырылды. Өрт сөндіруге барлығы 240 адам мен 96 техника қатысуда. Әуеден бақылау жүргізілуде.
Еске сала кетейік, 2023 жылы «Семей орманы» резерватында бірнеше өрт болған. Маусым айындағы ең ірі өрт 60 мың гектардан астам аумақты қамтып, 15 адамның – 14 орманшы мен тракторшының өмірін қиған еді.
Фото: видеодан кадр
