Мыңнан аса қызметкер жалақысыз жұмыс істеген
Жыл басынан бері мемлекеттік еңбек инспекторлары 15,1 мыңнан аса жұмыскердің құқығын қорғады, - деп хабарлайды Malim.kz тілшісі.
1 мамырдағы жағдай бойынша, мемлекеттік еңбек инспекторлары республиканың 66 кәсіпорны 1,7 мыңнан аса жұмыскерге 672 млн теңгеге жалақы бойынша берешек екенін анықтады. Сонымен қатар, түрлі ұйымдарда жүргізілген тексерулер барысында еңбек құқығы бұзылуының 2,3 дерегі анықталды.
Жалақы бойынша берешегі және еңбек құқығының бұзылуы анықталған кәсіпорындардың басшыларына орындауға міндетті 1 283 ұйғарым берілді және 152 млн теңгеден астам сомаға айыппұл салынды.
Қабылданған шаралардың, оның ішінде жалақы бойынша берешекті өтеудің қатаң кестелері мен мерзімдерін белгілеудің нәтижесінде 1,3 жұмыскердің құқықтары қорғалды. Оларға 355,3 млн теңге төленді.
Бұдан басқа, еңбек заңнамасының сақталуына мемлекеттік бақылауды қамтамасыз ету мәселелері ҚР Еңбек және халықты әлеуметтік қорғау министрлігінің ерекше бақылауында.
2025 жылғы 1 мамырдағы деректер бойынша ,мемлекеттік еңбек инспекторлары 1 891 тексеру жүргізді, оның барысында 2 338 бұзушылық анықталды, оның ішінде:
- еңбек саласында – 1 920;
- еңбек қауіпсіздігі және еңбекті қорғау бойынша – 401;
- халықты жұмыспен қамту бойынша – 17.
Қабылданған шаралардың нәтижесінде 13,8 мың жұмыскердің еңбек құқығы қорғалды.
Фото: gov.kz
Ең көп оқылған
