Түркиядағы қазақ студентін жеті түркиялық ұрып-соғып, тонап кетті
Оның айтуынша, түркиялық қазақ бауырлар жағдайды әлеуметтік желіде таратқаннан кейін ғана кері байланысқа шыққан.
Әлеуметтік желіде Қарақат Байтұрғанова Түркияның Сакария қаласында медицина мамандығында оқитын баласына Стамбұлға барғанда жергілікті азаматтар тарапынан шабуыл жасалғанын айтты, деп хабарлайды Malim.kz.
Менің Түркиядағы баламды 7 түрік азаматы ұрып-соғып, паспорты мен телефонын тартып алған. Осы кезде оны полиция көрген. Олардан көмек сұраған соң, олар жаңағы адамдарды қуған. Алайда ұзаған соң жайларына кеткен. Баламның арызын қалбылдамай жатыр. Екі күннен кейін Қазақстанға қайтуы керек болған, - деп жазды Қарақат Байтұрғанова.
Әйел бастапқыда Қазақстанның Түркиядағы елшілігі көмек беруге асықпағанын айтты. Оның айтуынша, түркиялық қазақ бауырлар жағдайды әлеуметтік желіде таратқаннан кейін ғана кері байланысқа шыққан. Кейін елшіліктің көмек бергені белгілі болды. Бұл хабарды сыртқы істер министрлігі растады.
Консулдықтан да хабарласты, өз бақылауына алады. Сол жақтағы балама өздері көмектесті. Баламды ұрып жатқандағы видео да бар. Солардың барлығын алды. Құжаттары бойынша көмек береді. Елге келген соң алады», - дейді ол.
Фото: Видеодан скрин
