ТЖМ жер сілкінісіне байланысты жедел штаб құрды
Жамбыл облысында 5 химиялық қауіпті нысан орналасқан.
Қазақстанның ТЖМ командалық орталығының базасында сейсмикалық жағдайды бақылау бойынша жедел штаб құрылды, - деп хабарлайды Malim.kz тілшісі.
ҚР ТЖ вице-министрі Батырбек Әбдішевтің төрағалығымен жұмыс кеңесі мен аумақтық бөлімшелер бейнеконференцбайланыс өткізді.
Министрлік мәліметінше, зардап шеккендер туралы ақпарат түскен жоқ. Тіршілікті қамтамасыз ету объектілері штаттық режимде жұмыс істеп жатыр. ТЖМ жағдайды бақылап жатыр.
"Жағдай тұрақты. Құтқару бөлімшелері қажет болған жағдайда ден қоюға дайын. Жамбыл облысында 5 химиялық қауіпті нысан орналасқан. Мамандар оларды зерттеу үшін өзара іс-қимыл ұйымдастырды, қауіп жоқ", - делінген хабарламада.
Еске салайық, бүгін Жамбыл облысында 5 балдық жер сілкінісі тіркелген еді.
Фото: Pixabay.com
