Алматылықтар жыл сайын 487 темекі шеккендей түтін жұтады
Бұл әрбір алматылық үшін 24 қорап темекі шеккенмен тең
Алматының әрбір тұрғыны жыл сайын 487 темекі түтініне тең көлемде лас ауа жұтады, деп хабарлайды Malim.kz.
Almaty Air Initiative – Алматыда ауаның ластануына қарсы күрес ұйымының 2023 жылғы деректеріне негізделген есептерге сәйкес, Алматының әрбір тұрғыны жыл сайын 487 темекі түтініне тең көлемде лас ауа жұтады. Бұл – әрбір ер адам, әйел және бала үшін жылына 24 қорап темекі шеккенмен бірдей.
Аталған ұйым өз зерттеуінде Clarity Movement (openmap.clarity.io) ластаушы заттар мониторингі желісінің 2023 жылғы деректерін, Richard A. Muller және Elizabeth A. Muller зерттеулерін қолданған.
Фото: auagroup.kz
