Шығыс Қазақстан облысында жеті баласына алимент төлеуден жалтарған әйел адам сотталып кетті, деп хабарлайды Malim.kz.
Облыстық Полиция департаментінің мәліметінше, 10 сәуірде заңды күшіне енген Шығыс Қазақстан облысының Кәмелетке толмағандардың істері жөніндегі мамандандырылған ауданаралық сотының үкіміне сәйкес, әйел адам Қазақстан Республикасы Қылмыстық кодексінің 139-бабы – «Балаларды күтіп-бағуға арналған қаражатты төлеу жөніндегі міндеттерді орындамау» бойынша кінәлі деп танылды.
Сот оған 1 жыл мерзімге бостандығын шектеу жазасын тағайындады.
Жиналған берешек сомасы шамамен 10 миллион теңгені құрады.
Бұл қаражат кәмелетке толмаған жеті баласын асырауға арналған болатын. Ұзақ уақыт бойы олардың құқықтары мен мүдделері бұзылып келген.
«Осы жылдың басынан бері ШҚО Полиция департаментінің аумақтық бөлімшелері алимент төлеуден қасақана жалтару фактілері бойынша сотқа тоғыз қылмыстық іс жолдады. Оның сегізі бойынша айыптау үкімдері шығарылды», – деді ШҚО ПД Анықтау басқармасының бастығы Арман Үмітов.
Фото: istockphoto.com
MalimBlocks
