Құлсарыда 2500 үйді су басты

Қоғам

05.04.2024

2024-04-05 21:47:00

578

Скопировать ссылку

Сәуірдің 5 түнгі дерек бойынша, Атырау облысы, Жылыой ауданы, Құлсары қаласында 2500 тұрғын үйді су басты. Қаладағы әкімдік ғимараты, базар мен стадионды және түрлі әлеуметтік нысандарды да су шайған.

Бұл туралы Төтенше жағдайлар министрлігі хабарлады.
Министрлік мәліметінше, 5-сәуір түнгі 22:00 шамасына дейін құтқарушылар қаладан 4 мың адамды қауіпсіз жерге көшірген. Оның 1 мыңдайы бала.
Құтқару жұмыстарымен барлығы 4000 волонтер айналысып жатыр. Оның 1 мыңдайы Маңғыстау облысы, Бейнеу аданынан келген еріктілер.
Қабылдау пункттеріне 2 мыңнан астам адам орналастырылған. Жылыой ауданында Төтенше жағдай жарияланды.
Құлсарыны қар суының басуына Жем өзенінің тасуы себеп болған. Облыс әкімі Серік Шәпкенов зардап шеккендердің барлық шығыны өтелетінін айтты.

Фото: Интернеттен