Тараптарға Бишімбаев сотына қатысты әлеуметтік желіде пікір білдіруге тиым салынды
Әйелін өлтірді деп айыпталған экс-министр Қуандық Бишімбаевтың сотында прокурор сот отырыса қатысты әлеуметтік желіде пікір жариялау жайына тоқталды.
Мемлекеттік айыптаушы Айжан Аймағанова алқабилер сотына интернеттегі жазбалар арқылы әсер етілуі мүмкін деген қауіп барын айтты. Судья Айжан Құлбаев прокурордың пікірін қолдады.
«Процеске қатысушыларға айтарым, сот отырыстарынан кейін БАҚ-та айтқан сөздеріңіз сотқа қысым көрсету ретінде бағалануы мүмкін. Осыған байланысты процеске қатысушылардың бәріне ондай әрекеттерден аулақ болуға кеңес беремін. Өз құқықтарыңызды сот отырысы өтіп жатқан залда іске асырыңыздар. Өйткені, сот отырысынан тыс әрекеттер отырыстағы алқабилердің пікіріне әсер етуі мүмкін және қылмыстық істі обьективті қарауға кесірін тигізуі мүмкін. Осыған байланысты айыптаушы тараптың ұсынысын қанағаттандыру қажет деп есептеймін», - деді сот.
Фото: Казтаг
