Бүгін Ұлытау облысының орталығы Жезқазған қаласында экологиялық тазалықты насихаттауға бағытталған «Таза Қазақстан» республикалық акциясы аясында кең ауқымды сенбілік ұйымдастырылды, деп хабарлайды Malim.kz.
Аталған шараға 8 000 астам адам қатысып, 80 бірлік арнайы техника жұмылдырылды. Нәтижесінде 700 тонна қоқыс қаладан шығарылды. Қалалық полигон сенбілік барысында жиналған қалдықтарды тегін қабылдады.
Сондай-ақ сенбілікке 300-ден астам ұйымның, мекемелердің және шағын және орта бизнес өкілдерінің еңбек ұжымдары белсене атсалысты.
Айта кетейік, Ұлытау облысы бойынша 700 ұжымнан 15 000-ға жуық адам, 173 арнайы техника жұмылдырылып, мың тоннадан астам қоқыс шығарылды.
Ұлытау облысының әкімдігі сенбілікке қатысқан барлық тұрғындарға, мекеме қызметкерлеріне, кәсіпкерлерге және еріктілерге қаланың тазалығына қосқан үлестері үшін алғысын білдіреді.
Фото: Ұлытау облысының әкімдігі
