АҚШ президенттігінен үміткер Камала Харрис кім?
Оның мұндай қадамға баруына президент Джо Байденнің додаға қатысудан бас тартуы себеп болған. Бұл туралы NBC News хабарлады.
![](/images/article-img/1600/23440-1721647980-m.webp)
Қазірде демократиялық партия өкілі Камала Харрис АҚШ-тың вице-президенті қызметін атқарады.
— Президенттің қолдауына ие болғанымды мақтан етемін және жеңіске жету үшін барымды саламын. Демократиялық партияны және елімізді біріктіру үшін, Дональд Трампты және оның «2025 жоба» бағдарламасын жеңу үшін қолымнан келгеннің бәрін істеймін, — деді Камала Харрис.
Камала Деви Харрис 1964 жылы 20 қазанда Калифорния штатының Окленд қаласында дүниеге келген. Өз аталары Ямайка тумалары. Нағашы жұрты Үндістаннан.
Әкесі Стэнфорд университетінде дәріс оқыған. Анасы қатерлі ісік ауруын зерттеуші ғалым болған.
Камала 1989 жылы Говард университетін, 1989 жылы Гастингстегі Калифорния университетінің заң колледжін бітірген.
Ол 2003 жылы Сан-Франциско округінің прокуроры, 2011-2017 жылдары Калифорнияның бас прокуроры болып сайланған.
Еске сала кетейік, ол 2020 жылы өткен президент сайлауына Демократиялық партия атынан үміткер ретінде ұсынылған. Дода басталғанша, сайлауға қатыспау туралы шешм қабылдайды.
2021 жылдан вице-президент лауазымына кіріскен К.Харрис көші-қон, дауыс беру құқығы және түсік тастау т.б маңызды шаруалармен айналысқан.
Фото: AP / Andrew Harnik