Президент Ұлытау облысының әкімін қабылдады

Malim Админ

  • 05.03.2025

Президентке облыстың әлеуметтік-экономикалық дамуының қорытындылары туралы есеп беріліп, алдағы кезеңге арналған жоспары таныстырылды. Бұл туралы Ақорданың баспасөз қызметі хабарлады. 

Қасым-Жомарт Тоқаевқа өткен жылы өнеркәсіп өндірісі 8 пайызға, құрылыс жұмыстарының көлемі 28 пайызға және тұрғын үйді пайдалануға беру көрсеткіші 30 пайызға өскені жөнінде баяндалды.

Облыс әкімінің айтуынша, былтыр өңірге 226 миллиард теңгеден астам инвестиция тартылған. Оның 89 пайызы – жеке инвестиция. Жалпы сомасы 940 миллиард теңге болатын инвестициялық пул жасақталды. Биыл құны 138 миллиард теңге болатын 17 жобаны іске асыру жоспарланып отыр. Бұл орайда құрылыс, сауда, логистика, энергияның балама көздері және туризм салалары инвестиция тартуға айтарлықтай тартымды деп танылған.

Мемлекет басшысына жылыту маусымының барысы және «Таза Қазақстан» экологиялық акциясын өткізу жайында мәлімет берілді.

Президентке қатерлі өндіріс орындарында еңбек ететін азаматтардың қауіпсіздігін сақтау бағытында бұған дейін берген тапсырмасына сай атқарылып жатқан жұмыстар туралы баяндалды. Тиісті шараларды әкімдік Үкіметпен бірлесіп жүргізіп жатыр.

Дастан Рыспеков «Қазақмыс» корпорациясының кенішінде таяуда болған апат салдарынан қаза тапқан шахтерлердің отбасыларына қандай көмек көрсетіліп жатқанын айтты.

Қасым-Жомарт Тоқаев бизнестің әлеуметтік жауапкершілігін арттыру үшін жер қойнауын пайдаланушы ірі компаниялармен жұмысты жалғастырудың маңызды екенін атап өтті.

Облыс әкіміне көлік-логистика әлеуетін арттыру, инфрақұрылымды жаңғырту, сапалы медициналық қызмет көрсету, халықты таза ауызсумен қамтамасыз ету және экологиялық мәселелерді шешу жөнінде тапсырма берілді.

Фото: Ақорда

 

Байланысты жаналықтар

Ұлытау облысының Теректі стансасында жаңа мектеп ашылды

31.03.2025

Ұлытау облысындағы екі қалада медициналық мекемелердің базасы жаңартылды

29.03.2025

Киіктер қырылып жатыр: министрлік пікір білдірді

28.03.2025

Ұлытау облысындағы шахтада 31 жастағы жұмысшы мерт болды

19.03.2025

"Қазақмыс" сирек кездесетін металдарды Қазақстаннан заңсыз шығарды деп айыпталды

10.03.2025

Артында бес баласы қалды: шахтада қаза тапқан Олжас Нұрұлдаев жерленді

20.02.2025
MalimBlocks
Ұлытау облысының Теректі стансасында жаңа мектеп ашылды

Ұлытау облысындағы екі қалада медициналық мекемелердің базасы жаңартылды

Киіктер қырылып жатыр: министрлік пікір білдірді

Желіде Қарағанды және Ұлытау облыстарындағы киік ұшалары бейнеленген жазба тарап жатыр. Экология және табиғи ресурстар министрлігі бұл жағдайға қатысты пікір білдірді,

Ұлытау облысындағы шахтада 31 жастағы жұмысшы мерт болды

"Қазақмыс" сирек кездесетін металдарды Қазақстаннан заңсыз шығарды деп айыпталды

Артында бес баласы қалды: шахтада қаза тапқан Олжас Нұрұлдаев жерленді

Қайғылы жағдай 17 ақпан күні болды.