Франция президенті Эммануэль МАКРОНҒА қол көтерген Дамьен ТАРЕЛЬ төрт айға түрмеге тоғытылды. Бұл туралы РИА Новости агентігіне сілтеме жасап Мalim.kz сайты хабарлайды.
Валанса қалалық сотының шешіміне сәйкес Д. Тарель бірден жазасын өтеуі тиіс. Сондай-ақ, екі жыл бойы жұмыс жасап және психологиялық көмек алуы керек. Бастысы заң бұзушылыққа бармауы қажет.
Сот тағы да Тарельге бес жыл қару ұстауына және мемлекеттік қызметте отыруына тыйым салды. Президентті шапалақпен ұрғаны үшін үш жылға азаматтық құқығынан да айрылды. Мемлекеттік айыпталушы он сегіз айға қамауды ұсынған. Сондықтан да адвокат пен прокуратура сот үкіміне қарсы он күн ішінде тағы да шағымдана алады.
Сот барысында айыпталушы президентке қол көтергенін мойындады. Бірақ өз іс-әрекетіне өкініш білдірмеді. Бұл оқиға 10 маусым күні болған еді. Президент өзінің құрметіне жиналып тұрған көпшілікке сәлем бере барғанда Тарель мемлекет басшысын шапалақпен бір тартқан. Бұған қатысты елдегі оппозициялық партиялардың лидерлері пікірлерін білдіріп, айыпталушыны сөккен. Алайда, президент мәселені ушықтырмауды сұрады. Және алдағы уақытта көпшілікпен жолыға беретінін айтты.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
