Қарин құрылтай туралы қандай ой түйді?

Мемлекеттік кеңесші Ерлан Қарин «Ұлттық құрылтайдың отырысынан туындаған ойлар» деген тақырыпта бейнеролик түсіріпті. 4 минуттан асатын роликте Қарин ұлттық құрылтайды ұйымдастырудан бастап, оған кідмер қатысқанына және не мәселе қозғалғанына тоқталыпты.

Оның айтуынша ұлттық құрылтайдың басты ерекшелігі – оған әр өңірден бір-бір қоғамдық кеңес мүшелері мүше болып кіргені. Өйткені, бұл құрылтай – барлық қоғамдық кеңестердің қорытынды жиыны іспеттес.

Сонымен, Қарин бұл құрылтайдан қандай ой түйеді?

Бірінші ой – біздің мемлекеттілігіміздің тамыры тым тереңде;

Екінші ой – ұлтты ұйысуға үндеу;

Үшінші ой – мемлекет мүддесі бәрінен биік.

«Осы орайда мемлекет заң үстемдігін және тәртіптің орнығуын қамтамасыз етуге, қоғамда пікір алуандығын қолдауға және дамытуға, маңызды шешім қабылдар кезде қоғамның ой-пікірін ескеруге дайын екенін көрсетіп отыр. Ал қоғам азаматтық жауапкершілікті дамытуғ, жалаң ұрандар мен саяси авантюризмге ұрынбауға, радикализм мен экстремизмнің кез келген түріне қарсы тұруға тиіс. Бұл қоғамдық шарт ұлттық жаңа сапасын қалыптастыруды көздейтін болады», - дейді ол.

Бас идеолог еңбекқорлық, абырой-бедел, қарапайымдылық, үнемшілдік сияқты қасиеттерді қалыптастару – жаңа сапаға өтудің критерийлері екенін айта келіп, мемлекеттік тілді дамыту туралы айтады және тілге қатысты туындайтын түсніспеушіліктерді саясиландыруға жол бермейміз деді.

Қарин өзінің 4,2 мың жазылушысы бар YouTube арнасында бұған дейін де реформа туралы орыс-қазақ тілінде бірнеше мәлімдеме жасаған.