ВВС агенттігі «Трамптың бәріне қарсы соғысы» деген мақала жариялады. Мақалада Дональд Трамптың әлем бойынша сауда соғысын бастауға кіріскені туралы айтылған. Оның жаңа тарифтері алғашқы кезеңде енгізген тарифтерінен (алғаш Президент болған кездегі тарифтерінен) бес есе көп және олар АҚШ-тың барлық импорттық тауарларының 44% -ын қамтиды. Бұл тарифтер кезең-кезеңімен емес, бірден енгізіледі.
Трамптың Канада мен басқа да елдерге қарсы әрекеттері көбінесе экономикалық және саяси мақсаттармен түсіндіріледі. Мысалы, Канадаға қарсы тарифтерді енгізу оның президенттік өкілеттігін нығайтуға бағытталған болуы мүмкін дейді сарапшылар. Сонымен қатар, Трамп Канададан АҚШ үшін қажетті мұнай мен табиғи ресурстарды көбірек алуды көздейді.
Мақалада Канада Америкамен ең жақын серіктес саналып келгенімен, Трамптың қазіргі шешімдері бұл елді Қытаймен теңестіргені айтылған. Яғни, Канада Қытай секілді қарсылас елдердің қатарына енген.
Тарифтік соғыстар Трампқа халықаралық саясаты мен ішкі экономикасына әсер ету үшін маңызды болуы мүмкін. Сауда соғыстары арқылы ол авторитарлық билігін нығайтып, халықты сыртқы «қаскөйлермен» күресуге жұмылдыруды көздейді.
Бұл жағдай 1930 жылдары басталған сауда соғыстарына ұқсайды. Сол кезде Америкада қабылданған тарифтік шаралар Ұлы депрессияға алып келіп, кейінірек екінші дүниежүзілік соғысқа әсер етті.
Жалпы алғанда, Трамптың сауда соғыстары әлемдік сауданың еркіндігіне үлкен қауіп төндіріп тұр дейді мақала авторы.
Фото: Reuters
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
