Заңгер Мамай адвокаттары ұсынған дәлел туралы: Әлеуметтік желідегі жазбалар – сотта заңды күші жоқ материал ғана

Nur Otan партиясы төрағасының бірінші орынбасары Бауыржан Байбек пен белсенді Жанболат Мамайдың арасындағы сот процесі жалғасын тапты. Апелляциялық сотта Мамай мен оның әйелінің шағымы қаралып жатыр. Байбектің заңгері Айжан Тәшенованың айтуынша, аталған екі шағым   заң тұрғысынан сауатсыз жазылған және ерлі-зайыптылар сотқа тағы да дәлел құжаттарынсыз келіпті. Ресми құжаттың орнына олар тағы да әлеуметтік желідегі жазбаларға сілтеме ұсынылған.

«Мен дәлелдеме тек белгіленген тәртіпке сәйкес жасалған ресми құжат болуы мүмкін екенін тағы бір рет атап өткім келеді. Заң және заң практикасы тұрғысынан әлеуметтік желідегі жазбалар - бұл заңды күші жоқ, сот үшін мүлдем қызығушылық тудырмайтын материалдар ғана. Жауапкерлердің өкілдері мұны жақсы біледі», - деді заңгер Айжан Тәшенова.

Еске салайық, бірінші сот отырысында Мамай мен Иманбай жеңіліп, Бауыржан Байбек туралы әзірлеген видеороликтерін интернеттен өшіруге міндеттелген еді. Алайда, олар соттың шешімімен келіспейтінін айтып, апелляциялық шағым түсірді.