Украина Президенті Владимир Зеленский 3 және 4 қаңтарда Курск облысындағы Махновка ауылы маңында Ресей 500-ге жуық әскерден құралған батальонын жоғалтқанын мәлімдеді.
Украина Бас қолбасшысы Александр Сырскийдің баяндамасына сілтеме жасаған Зеленский:
Бүгін және кеше тек Махновка ауылының маңында ғана Ресей армиясы Солтүстік Корея және өздерінің десантшыларынан құралған батальонынан айырылды, олардың саны кемі 500 сарбаз болған. Бұл айтарлықтай шығын, деді күнделікті үндеуінде.
Әлемдік ақпарат құралдары Зеленскийдің бұл сөзі шындыққа жақын деп болжайды.
Фото: Зеленскийдің телеграм арнасынан
