Жер сілкінісін алдын ала болжау мүмкін емес – ТЖ министрі
Министрдің айтуынша, бұл жолы халықтың басым бөлігі үрейленбеді
Бүгін Үкімет отырысында Төтенше жағдайлар министрі Шыңғыс Әрінов Алматыда болған жер сілкінісіне қатысты баяндама жасады. Министрдің айтуынша, азаматтардың арасында үрей болмауы үшін жер сілкінісі туралы және халықтың әрекеті бойынша хабардар ету жұмыстары басталып кеткен.
«Жер сілкінісін төтенше жағдай сияқты алдын ала болжау мүмкін емес. Осыған байланысты министрлік дүмпудің алдын алу, халықты бірінші кезектегі әрекеттерге дайындау бойынша жұмыс жүргізуде. 20 ақпаннан бастап Алматы қаласы орталық аппарат басшыларының құрамынан ТЖМ жедел тобы азаматтарды төтенше жағдайларға дайындау бойынша жұмыс істеуде. Азаматтарға жер сілкінісі кезіндегі іс-әрекеттер бойынша ауқымды ақпарат және түсіндіру жұмыстары жүргізіліп, оның тиімділігін көрсетті. Бұл жолы халықтың басым бөлігі үрейленбеді», - деді Шыңғыс Әрінов баяндамасында.
Сондай-ақ, министр жедел штабтар ашылып, 384 азаматтарды қабылдау пункті ұйымдастырылғанын, тәулік бойы «Жедел желі» жұмыс істеп жатқанын баяндады.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
