Айгүл Иманбаева күйеуімен түскен суретін жариялап, көпшілікті сүйсіндірді
Актриса жазда тұрмысқа шыққан.
Жақында ғана екінші рет тұрмысқа шыққан 47 жастағы актриса Айгүл Иманбаева күйеуімен түскен суретін жариялап, оған жазба арнады, деп хабарлайды Malim.kz.
Жаздың соңында Иманбаеваның тұрмысқа шыққаны туралы ақпарат көпшілікті таңғалдырғаны рас. Өнер иесі көпшілікке неке жүзігін тағып түскен суретін көрсетті.
Айгүл күйеуінің суретін оның туған күнінде көрсетті. Енді актриса күйеуімен құшақтасып тұрған суретін салып, көпшілікті тамсандырды.
Жазбасын ол күйеуіне арнаған.
Шулы әлемде – сен менің тыныштығымсың, - деп жазды Иманбаева.
Ал өнер иесінің оқырманы жұпқа ізгі тілектерін жеткізген.
«Әр әйел сүйікті болуға лайық», «Сынап жатқандар, алдымен Айгүлдей болып алыңдар, өнерімен де, сәнімен де, әдемілігімен де өзін танытты. Асықпай жүріп, өз бақытын тапты. Бақытты болыңдар!», «Ешкімді тыңдамаңыздар, өмірден ләззат алыңыз», «Әр әйел бақытты болуға лайықты. Бақытты болыңдар», - деп жазды көпшілік.
