Ләйлә Сұлтанқызы анасының қандай қиындықтардан өткенін айтты

Қазақстандық танымал тележүргізуші Ләйлә Сұлтанқызы анасына арнап жазба жариялады, деп хабарлайды Malim.kz.

Сұлтанқызы анасын көзі тірі кезінде қуантқысы келетінін алға тартты.

Менің жұлдызым – Дишинкам. Біріміздің анамыз қасымызда, біріміздікі жоқ… Қадірін ана болғанша біле де, түсіне де бермейтініміз тағы бар. «Соңғы кезде мамаңызды көп көрсетесіз, көзінде мұңы бар, әбден қиындық көрген-ау» деген пікірлерді оқып қаламын. Иә, расымен түрлі жағдайлар бастан өтті ғой. Қайсыбірін айта берейік. Өткен өмірді қозғай бергеннен не пайда? Көбіміздің ата-анамыздың тағдыры ұқсас қой. Қиындыққа қарамай өсірді, оқытты, жеткізді. Шүкір, тәуба. Алға ұмтылуымыз керек. Өсіріп отырған ұл-қыздарымыздың бақытын көруді баршамызға нәсіп етсін. Ал қазір ыңғайы келсе, барынша анама көңіл бөліп, әр сәтін мәнді де сәнді қылғым келеді, деп жазды ол. 

Тележүргізуші өз сөзінде анасы енесінің қаталдығына да шыдағанын айтты. 

Менің анам 40 жыл енесімен тұрып, сол кісіге қызмет етіп, адал еңбекпен батасын алған келін деп сенімді түрде айта аламын. Әйтпесе әжем оңай кісі емес еді. Мінезді, шыншыл, адуынды болғаны сонша, кез келген адам шыдай бермейтін. Дишинкамның арқасында әжеге, әкеге деген құрметті, сыйластықты көріп өстік. Соған қатты қуанамын, деп жазды журналист.  

Фото: instagram.com/sultankyzy