Қазақстандық әнші Мәдина Сәдуақасова Жаңа жыл қарсаңындағы түсірілімге қатысып, үш бірдей сәнді көйлек киіп шықты. Өнер иесінің образдарын желі қолданушылары қызу талқылады, деп хабарлайды Malim.kz.
Instagram желісінде жарияланған видеода Сәдуақасова Мэрайя Кэридің танымал "All I Want for Christmas is You" әнінің сүйемелдеуімен үш түрлі кешкі образын көрсетті. Алдымен әнші көгілдір түсті, жылтыр матадан тігілген, асимметриялық үлгідегі ұзын көйлек киіп шықты. Кейін оны иықтары ашық, денеге қонымды қызыл көйлекке ауыстырды. Соңғысы нәзік қызғылт түсті сәнді көйлек болды.
