Қазақстандық әнші Мадина Сәдуақасова мен оның отбасы мүшелері және актер Төлепберген Байсақалов Кеңес заманында түсірілген «Простоквашинодағы демалыс» мультфильміндегі образды қайталады, деп хабарлайды Malim.kz.
«Сіздердің анаңызды ана жақта да, мына жақта да көрсетіп жатыр. Техниканың қалай дамып кеткенін қарашы!». Жаңа жыл қарсаңында отбасымыздан жылы видео қабыл алыңыздар. Кім өз рөлін жақсы ойнап шықты деп ойлайсыздар? – деп жазды Мадина.
Кадрдан өнер иесінің күйеуі мен ұлын, сонымен қатар пошташы Печкинді сомдаған актер Төлепберген Байсақаловты көруге болады. Ал шаңғы костюмін киген Мадинаның өзі «Кабы не было зимы» әнін орындап шықты. Видеода Шарик пен Матроскин де бар.
«Бір сәтке балалық шағыма оралғандаймын. Ең жақсы көретін мультфильмдерімнің бірі еді. Жақсы ойластырыпсыздар», «Бәрі керемет ойнап шықты», «Мадина, ғажапсыз», «Мықты», - деп жазды көпшілік.
Фото: instagram.com/sadvakasovamadina
Байланысты жаналықтар
MalimBlocks
