«Махаббаттан жаратылған балапан». Ерке Есмахан өсіп қалған ұлын көрсетті
Ерке Есмахан кіші ұлына арнап фотосессия ұйымдастырған.
Қазақстандық жұлдызды жұп Raim мен Ерке Есмахан әлеуметтік желіде отбасылық суреттерін жариялады, деп хабарлайды Malim.kz.
Танымал жұп кіші ұлы Исламның 7 айға толуына орай фетоссессия ұйымдастырып, сол суреттерді Instagram-дағы парақшасында бөлісті.
Жанұя. Исламға бүгін 7 ай. Махаббаттан жаратылған балапан. Аллаға сансыз шүкір айтамын. Әр шаңырақта береке, бақыт, байлық болсын! Жақсылық жұғысты болсын! - деп жазды әнші.
Желі қолданушылары да әншілердің бақытты сәттеріне қуанып, ізгі тілектерін жеткізген.
«Көз тимесінші. Өте керемет отбасы», «Бақытты болыңыздар», «Махаббаттарыңыз баянды болсын», «Балапандарыңыздың қызығына тоймай жүре беріңіздер», «Қандай бақытты сәт. Осындай күндеріңіз көп болғай», «Ерке мен Раймның бір-біріне деген сүйіспеншілігін көріп қуанамын», - деп жазған оқырман қауым.
Фото: instagram.com/erke_esmahan
