«Халық білмейді». Ақбота Керімбекова Айгүл Иманбаеваның қуанышты жаңалығын жариялады

Әнші Ақбота Керімбекова өнердегі құрбысы әнші, актриса Айгүл Иманбаеваның келін түсіріп, ұлын үйлендіргені туралы жаңалықпен бөлісті, деп хабарлайды Malim.kz.

Әншінің айтуынша, Айгүл Иманбаева ұлын үйлендіріп жатқан уақытта әкесі дүниеден өтіп, халыққа жар салмаған. Екі жастың үйлену тойын Лондондағы оқуды аяқтаған соң өткізуді жоспарлаған.

“Айгөлегімді көптен көріп тұрғаным осы. Балалық шағымнан бірге өскен, ештеңеге айырбастамайтын жастық шағымыз бірге өткен құрбым құрлық асып білім алып, елге үлкен серпіліспен оралды. Жеке өміріндегі жаңалықтары да көп. Орамалың құтты болсын, ұлымыз Асёкайды аяқтандырдың, немере сүйіп, әже атандың. Ұлың қазір де үлкен-үлкен жобалармен жұмыс істеп жатыр. Ұзағынан сүйіндірсін! Біздің үйдегі кіндік баласы Ақан Айгөлегіме ұқсаған еңбекқор, ізденімпаз. Жандарым, бәрі сәтті болсын!”, – деп жазды әнші. 

Өнер иелерінің аналары да құрбы екені белгілі болды.

“Жақында отбасында жақсы жаңалық болды. Ұлы үйленіп, келін әкелді. Бірақ халыққа жариялаған жоқ. Өйткені Айгүлдің әкесі о дүниелік болған күнімен тұспа-тұс келді. Сондықтан әзірге халық білмейді. Оқуын аяқтап келгеннен кейін үлкен той жасауға ниетті. Біздің қызметте жүретініміз анық. Айгүл – менің екінші ұлым Ақанның өкіл шешесі. Екеуміздің аналарымыз да жақын құрбы. Сол кісілердің сыйластығы Айгүл екеумізді құрбы етті”, – деген еді өнер қайраткері.   

Фото: instagram.com/botakerim