«Аллаға тапсырдым»: Ақбота Керімбекова жеке өміріндегі сәтсіздік туралы айтты

Танымал әнші Ақбота Керімбекова тележүргізуші Ләйлә Сұлтанқызына берген сұхбатында жеке өміріндегі қиын сәттерді еске алды, деп хабарлайды Malim.kz.

Ол некесінің сәтсіз болуына мәселенің бәрін өзі шешуге тырысатыны мінезі себеп болса керек деп болжады.

Әлде мен ер азаматқа өз міндетін толық атқаруға мүмкіндік бермедім бе екен? Әлсіздік танытып, бас ию керек пе еді? Иілсем, ер азаматқа тізгінді тапсыруым қажет еді. Әйел болған соң, үйде қарап отыра алмаймын - бірден әрекетке көшеміз. Бала күнімнен бастап өз ісімді өзім тындырып үйрендім. Мүмкін кейде еркелеп, жай ғана отыру керек болған шығар. «Қалай да ақша тап» деп талап етуім де мүмкін еді. Біз егемендікке енді қол жеткізген, өтпелі дәуірде өскен буынбыз. Кеңес заманын көрген соңғы толқынбыз. Ол кезеңнің қиындықтары аз болған жоқ. Саудамен де айналысып кеткен кездеріміз болды. Қандай болған күнде де өміріме шүкіршілік етемін. Ешкімге өкпе артпаймын - аман болсын, бақытты болсын деп тілеймін. Барлық істі Аллаға тапсырдым. «Ең жақсы - адам кешіре білетін адам» дейді ғой, мен де бәрін кешірдім, деп ағынан жарылды әнші.

Фото: instagram.com/botakerim