Қазақстандық велошабандоз Алексей Луценко Азия ойындарында тарихи жетістікке жетіп, ел спортында осы доданың алты дүркін чемпионы атанған алғашқы спортшы болды, деп хабарлайды Malim.kz.
Бұған дейін Луценко жекелей жарыста алтын медаль жеңіп алған еді. Бүгін ол командалық сайыста да қарсыластарынан озып, Қазақстан құрамасына тағы бір алтын жүлде сыйлады.
Жарыста тағы бір қазақстандық велошабандоз Евгений Федоров екінші болып мәреге жетіп, күміс медаль иеленді.
Қазақстандық спортшылар стендтік атудан да жүлдеге қол жеткізді. Әсем Орынбай, Зоя Пискун және Адель Садақбаевадан құралған команда күміс медаль жеңіп алды.
Жеңіл атлетикадан Кристина Морозова спорттық жүрістен екінші орын алып, Қазақстан қоржынына тағы бір күміс жүлде қосты.
Қазіргі уақытта Қазақстан құрамасының еншісінде 14 медаль бар. Оның алтауы – алтын, үшеуі – күміс, бесеуі – қола.
