Қостанай облысының әкімі Архимед Мұхамбетов ақпарат құралдарында бірнеше жылдан бері сөз болып жүрген 21 гектар резиденциясы жекешендірілетін нысандар тізімінде жоқ екенін мәлімдеді.
Бұған дейін Қостанайдағы "Наша газета" басылымы Архимед Мұхамбетовтің резиденциясы 21 гектар аумақты алып жатқанын, оны ұстауға бюджеттен жыл сайын 50 миллион теңге бөлінетінін жазған.
Бүгін Орталық коммуникациялар қызметінде брифинг өткізген Қостанай облысы әкіміне резиденцияны ұстауға салық төлеушілердің ақшасы жұмсалмас үшін ол жеке бизнеске беріле ме деген сұрақ қойылды.
"Бұл сұраққа (резиденция туралы) үш жыл бұрын, екі жыл бұрын көп рет жауап бердім. Жергілікті ақпарат құралдары бізге хат жазды, нақты жауаптар алды. Резиденция осыдан 50-60 жыл бұрын салынған. Ол жерде маған дейін әкімдер, обком хатшылары тұрды. Еш уақытта осы мәселе көтерілмеді. Әкім 13 нысандардың бірінде тұрып жатыр. Сол үй үшін ай сайын белгілі бір сомада төлемақы төлейді. Қалған нысандар бюджет есебінен ұсталады. Оларға қатысым жоқ. Маған дейін әкімдер тұрған 200 шаршы метр үй бар. Сату туралы (резиденцияны) шешімді мен қабылдай алмаймын, ол мемекет балансында", - деді әкім.
Архимед Мұхамбетовтің айтуынша, бұл нысан мемлекеттің жекешелендіру бағдарламасының тізіміне енбеген. Ал егер оны жекешендіреміз дейтін бизнес өкілдері шықса, мұнымен айналысатын арнайы департамент бар, "олар сол департаментке хабарлассын" деді әкім.
Қостанай облысының әкімі резиденциядағы 200 шаршы метр үйді 40 мың теңгеге жалдайтынын айтты.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
