Алматыда атыс болып, бес адам көз жұмды. Бұл жөнінде Алматы қалалық полиция департаменті хабарлады.
Ведомства таратқан мәлімет бойынша, қыркүйектің 20-ы күні сағат 17-00 шамасында Ақбұлақ ықшам ауданындағы үйлердің бірінде атыс болған. 1967 жылғы Д есімді азамат сот шешімімен келген учаскелік полиция қызметкерлері мен сот орындаушыларына қарата оқ атқан. Салдарынан бес адам көз жұмған. Оның ішінде екі полиция қызметкері бар. Қазіргі уақытта күдікті ұсталған.
«Көз жұмған полиция қызметерлері Алатау ауданы полиция басқармасының учаскелік инспекторы, майор Сүлеев Дархан Дауылбайұлы (1982 жылы туған) және капитан Байғазиев Нұрбол Назарбайұлы (1988 жылы туған)», - делінген қалалық полиция департаменті таратқан мәлімдемеде.
Алдын ала тараған ақпарат бойыша, оқ атқан күдікті Игорь Джунов есімді азамат. Сот орындаушылары барған үй «БанкЦентрКредит» банкінде кепілдікте тұрған. Үй Анаи Демирчян есімді азаматшаға тиесілі болған. Джунов осы үйде тұрған.
Сот кабинетіндегі дерек бойынша, банк бірнеше жылдан бері Демирчянмен соттасып келеді. 2018 жылы үй 29 миллион теңгеге Нұрахмет Тұрғанов есімді азаматқа сатылған. Кейіннен шешім тоқтатылып, сот процесі қайтадан жалғасқан. 2019 жылы «БанкЦентрКредит» аудандық сотқа шағымданып, жеңіліп қалған. Бірақ кейіннен қалалық сот шешімді тоқтатып, үй қайтадан банктің есебіне өткен. Осыдан кейін сот орындаушы екінші рет үйді Тұғановқа берген. Ақпан айында Демирчян сот арқылы сот орындаушы Рапилбек Тәңірбергенов пен Нұрахмет Тұрғановтың арасындағы келісімнің күшін жоймақ болып шағымданған. Бірақ Алатау аданының судьясы Жанар Абдрахманов шешімді өзгеріссіз қалдырған.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
