Атырауда гуманитарлық көмекті қоймаға тығып қойған
Атырау облыстық денсаулық сақтау департаменті бюджет қаражатын тиімсіз пайдаланған. Бұл туралы прокуратура хабарлады.
25 маусым күні «АТМА – Атырау Аэропорты және тасымалдау» АҚ демеушілік көмек ертінде медициналық қорғаныс заттарын берген (қорғаныс көзілдірі – 1 500 дана, қолғап – 6000 дана, медициналық маскі – 7000 дана, комбинезон – 1 750 дана).
«Денсаулық сақтау басқармасы бұл қорғаныш заттарды медициналық мекемелерге таратпай "үш апталық қорымыз бар" деген желеумен сақтап отырған. Прокуратураның тексерісі кезінде шілде айында Исатай аудандық ауруханасында 500 дана комбинезон мен 5 мың дана медициналық маскі 2,5 млн теңгеге сатып алынған. Ал Жылойдағы аудандық орталық ауруханасында қорғаныс құрал-жабдықтар мүлдем жетпей қалған», - делінген прокуратура таратқан хабарламада.
Қазір бұл фактіге байланысты материалдар сыбайлас жемқорлыққа қарсы агенттікке жіберілді. Тергеу жұмыстары жүргізілетін болады.
Атырау облысы денсаулық сақтау басқармасының басшысы Нұрлыбек ҚАБДЫҚАПАРОВ. Оның алдында Байтолла ҒАЗИЗОВ 2020 жылдың 18 сәуір күні өз еркімен арыз жазып қызметінен кеткен еді.
Фото : elorda.info
Самое читаемое
