Шымкент қаласында жалпыұлттық қауіпсіздік пен азаматтардың өмір сүру деңгейін жақсарту басты назарда. Қала әкімі Мұрат Әйтеновтің бастамасымен шаһарда «Халық берекесі» жобасы жүзеге асырылмақ. Бұл жоба аясында өмірлік қиын жағдайда жүрген отбасылар үшін уақытша тұруға көпқабатты үй салынбақ. Бұл жөнінде қала әкімінің орынбасары Ерғали Білісбековтың төрағалығымен өткен мәжіліс барысында айтылды.
Қиын жағдай тап болған отбасылар 3 жыл бойы тегін үйді уақытша мекен ететін болады. Ол ғана емес, осы үш жыл ішінде оларға әлеуметтік қолдау көрсетіліп, бүлдіршіндер бала-бақшамен қамтамасыз етілсе, мектеп жасындағы балалар қосымша курстарға жіберіледі. Одан бөлек, арнайы мамандардың қызметімен жәрдемақыларды рәсімдеу мен жұмыспен қамту шаралары да қарастырылмақ.
-Уақытша баспана тағдыр тәлкегімен өмірлік қиын жағдайға душар болған отбасылдарға пана болары сөзсіз. Бірақ, өзіміздің қазақи тәлім-тәрбие беретін шаңырақ болуы тиіс. Батысқа еліктеп ұлттық құндылығымызды жоғалтпайық. Сол себепті көпқабатты үйдің құрылысы мен қатар әлеуметтік қолдау көрсету жобасын қадағалайтын боламыз, - дейді қала әкімінің орынбасары Ерғали Дәулетбекұлы.
«Халық» қайырымдылық қорымен бірлесе жүзеге асырыайын деп жатқан жоба үшін тұрғын үйді салуға ыңғайлы жер қарастырылуда.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
