Еуро-2024 турнирінің В тобындағы финалдық кездесулер өтті, деп хабарлайды Malim.kz.
Бұған дейін Испания құрамасы бұл топтан плей-офф кезеңіне ерте шыққан болатын.
Соңғы турда осы төрттікте екінші орын алған команда анықталды. Бұл команда Лейпцигте Хорватиямен тең ойнаған Италия болды. Себебі олар хорваттармен 1:1 есебімен тең түсті.
Ал Хорватия құрамасы екі ұпай жинап, топта үшінші орынға тұрақтады.
Дюссельдорф қаласында өткен тағы бір кездесуде Албания мен Испания құрамалары кездесті. Мұнда үш ұпайдың тағдырын бір гол шешті. Матчтың 13-минутында испаниялық вингер Ферран Торрес гол соқты.
Осылайша, Испания құрамасы 9 ұпай жинап, бірінші орыннан плей-офф кезеңіне өтті. Ал Албанияның бір ұпайы бар.
Айта кетеік, топтық кезең соңында үшінші орын алған алты команданың арасынан үздік төрттік таңдалып, 1/8 финалға жолдама алады.
Еске сала кетейік, турнир Германияда 14 маусым мен 14 шілде аралығында өтеді
.Фото: x.com/EURO2024
Байланысты жаналықтар
MalimBlocks
