Атақты шабуылшы, Сауд Арабиясының «Әл-Наср» клубында ойнайтын Криштиану Роналдуның ұлы алғаш рет Португалияның U15 жасөспірімдер құрамасына шақырту алды, деп хабарлайды Malim.kz Goal.com-ға сілтеме жасап.
Криштиану Роналду Жуниор шабуылшы позициясында ойнайды. Ол бұған дейін «Ювентус» академиясында, кейін «Әл-Наср» клубының жасөспірімдер құрамында өнер көрсетіп, өз қатарластары арасында үздік бомбардир атанып, бірнеше турнирде «үздік ойыншы» жүлдесін жеңіп алған.
U15 құрамасы Хорватияда өтетін турнир аясында Жапония, Грекия және Англия командаларымен кездеседі.
Фото: instagram.com/cristiano/
