«Манчестер Сити» – бірінші, «Астана» – 135-орында. УЕФА клубтар рейтингін жариялады
Рейтингте қазақстандық бірнеше команда бар
Еуропалық футбол қауымдастықтары одағы (УЕФА) жаңартылған клубтық рейтингін жариялады. Рейтингті 18,974 ұпаймен «Манчестер Сити» бастап тұр, деп хабарлайды Malim.kz.
Екінші орнында «Реал Мадрид» (15,569 ұпай), үшінші орында «Бавария» (14,882 ұпай). Одан соң «Ливерпуль», «Рома», «ПСЖ», «Челси», «Боруссия Дортмунд», «Интер» орналасқан.
Айта кетерлігі, рейтингте Қазақстан клубтары да бар. Олардың арасында ең жоғары көрсеткіш «Астанада», 2,175 ұпаймен 135-орында тұр. Одан өзге командаларымыз – «Тобыл» 178, «Қайрат» 263, «Ордабасы» 286, «Ақтөбе» 352, «Шахтер» 374, «Қызылжар» 387, «Қайсар» 388-орындарда тұр.
Айта кетейік, клуб коэффициенттері УЕФА Чемпиондар лигасындағы, УЕФА Еуропа лигасындағы және УЕФА конференциялар лигасындағы клубтардың соңғы бес маусымдағы нәтижелері бойынша есептеледі.
Фото: uefa.com
