Таеквондодан (WT) жасөспірімдер арасындағы әлем чемпионатында Қазақстан қоржынына екінші алтын түсті, деп хабарлайды Malim.kz.
65 келіден жоғары салмақта сынға түскен Сағынғали Жантөре финалда украиналық Максим Шудженкодан басым түсті.
Сондай-ақ, жарыстың үшінші күнінде Қазақстан қоржыны тағы екі қоламен толықты. Жасөспірім қыздар Алла Цой (-47 кг) мен Аида Гожалимова (-51 кг) Фуджейрадағы Әлем чемпионатының қола жүлдегерлері атанды.
Айта кетерлігі, бұған дейін Ромашкин Хамзаальпер (-61 кг) әлем біріншілігінде топ жарған болатын.
Әлем чемпионатына 80 елден 811 жасөспірім таеквондошы қатысып жатыр. Жарыс 14 мамырға дейін жалғасады.
Фото: Қазақстан таэквондо федерациясы
