Алматы қаласы аумақтық сайлау комиссиясының төрайымы Жанна Асанова сайлауға қатысты онлайн брифинг беріп, журналистердің сұрақтарына жауап берді. Брифингте қойылған сұрақтардың бірі – «Журналистер сайлауға түссе, үгіт-насихат жасай ала ма?». Жанна Асанова бұл сұраққа былай жауап берді:
– Егер қызметтегі журналистер сайлауға кандидат ретінде тіркелсе, олар сайлау алдындағы үгіт-насихат жұмысына өзі басқарып отырған, я қызмет істейтін баспасөз құралын пайдалана алмайды. Бірақ үгіт-насихат жұмысын істей береді.
Қаржылық қолдауға қатысты, партиялар сайлау қорын құра алады. Оған алдымен партия ақшасы салынады. Екінші азаматтар өз еркімен де қаржылық қолдау мақсатында ақша аудара алады.
«Сайлау күні кімге дауыс бересіз деп сауалнама жүргізуге бола ма?» деген сауалға: «Қазір бізде сауалнамаға қатысты бір талаптарымыз бар. Экзит-полл жүргізу үшін алдын ала тіркелу керек. Яғни сауалнама жүргізетін ұйымдардың арнайы кәсіби дәрежесі болуы керек. Сауалнама жүргізу үшін ұйымдардың тәжірибесі 5 жылдан кем болмауы керек. ОСК соны растау керек. Қажетті құжаттардың бәрін әкеліп, көрсетуге тиіс. Құжаттардың ішінде сауалнама жүргізетін мамандар туралы ақпарат болуы керек, қай аймақтарды қамтитынын көрсетуге тиіс. Сайлауға дейін сауалнама қорытындысын жариялауға болмайды. Сайлау күні дауыс беретін ғимараттарда сауалнама жүргізуге болмайды. Басқа жерлерде жүргізе береді. Бірақ жариялауға болмайды», - деп жауап берді аймақтық сайлау комиссиясының төрайымы Жанна Асанова.
Жанна Асанова сонымен қатар, баспасөз құралдарында үгіт-насихат жүргізу үшін жарияланатын материалдардың көлемі мен ақшасы осы уақытқа дейін жарияланған айтты. Біздің Malim.kz сайтында сайлауалды үгіт-насихат материалдарын жариялаудың шарттары мен ақысы жарияланды.
21 қазан күні Қасым-Жомарт ТОҚАЕВ мәжіліс депутаттарының сайлауын тағайындау туралы жарлыққа қол қойған болатын.
Сайлау 10 қаңтар күні өтеді. Үгіт-насихат жұмысы 8 қаңтарға дейін жалғасады. 9 қаңтар тыныштық күні. Осы екі күнде үгіт-насихат жүргізуге болмайды.
MalimBlocks
