Оппозициялық саясаткер Алексей НАВАЛЬНЫЙДЫ қолдау митингісіне шыққандарды полиция соққыға жығып, ұстап жатыр.
ОВД-инфоның хабарлауынша 1614 адамды полиция ұстаған. Бір Мәскеу қаласында бейбіт митингіге 40 мың адам шыққан. Алайда жергілікті билік өкілдері бар-жоғы 4 мың адам дейді. Тіпті Новосібір, Владивосток, Ростов-на-Дану да Навальныйды қолдап шыққандардың үстінен қылмыстық іс қозғалған.
Бейбіт митингі Мәскеу, Санкт-Петербург, Краснаярск, Хабаровск, Омбы, Томбы, Екатеринбург, Астрахань, Барнауыл, Саратов, Нижний Новгород және т.б қалаларда өтіп жатыр.
Бейбіт митингіге шыққандардың талабы бір. Олар Алексей Навальныйдың босатылуын қалайды. Ресей президенті Владимир ПУТИННІҢ оппоненті Алексей Навальный 17 қаңтарда Мәскеу әуежайында ұсталды. «Новичок» уымен уланып, өлім ауызынан қалған оппозициялық саясаткер Германияда емделген еді. Сондай-ақ youtube-та Навальныйдың «Дворец для Путина» деген зерттеу видео материалы жарияланды. Оны қазіргі уақытқа дейін 70 млн адам көріп тастады. Навальный президент Путиннің хан сарайы мен асқан байлығы және жемқорлық іс-әрекетін әшкерелейді.
Фото: azattyk.org
MalimBlocks
